tg-me.com/Joreekaalwerfli/15861
Last Update:
بمناسبه الكليات وجملة "أهي اللي لقتها قدامي ومجموعي جايبها دخلتها أعمل إيه يعني"
من شوية كنت بسمع السيرة النبوية للمهندس أحمد عامر وكان بيحكي عن مرضعة سيدنا محمد (عليه أفضل الصلاة والسلام)
وهي السيدة حليمة السعدية وإن هي قالت جملة مش قادرة أتخطاها:
"فوالله ما أخذته إلا أني لم أجد غيره"
وده كان بسبب إنه كان يتيم الأب فمكنش حد عاوز ياخده لكن علشان متروحش من غير رضيع خدته
انت متخيل إن ربنا كتب ليها إنها تبقى مرضعة سيدنا محمد وتنال الشرف ده ويحل عليها بركاته وهي متعرفش هي خدته لمجرد إن مفيش غيره.
فانت محدش سرق حلمك ولا كليتك وانت مدخلتش الكلية دي لمجرد إن مفيش غيرها ومجموعك جايبها لأ والله ربنا مختارها ليك انت بالذات لأنه عالم إن ده أنسب حاجة ليك ومش شرط تعرف الكلام ده دلوقتي، المهم تبقى واثق إن الخير فيما اختاره الله.
- حبيبة جمال.
BY هاجر الورفلي ❤⚔-Joree AlWerfli
Warning: Undefined variable $i in /var/www/tg-me/post.php on line 283
Share with your friend now:
tg-me.com/Joreekaalwerfli/15861